There are thosuns oot thar in the Inglis establishment thit micht hiv furgat thit Ballyhalbert is in the runnin' fur UK City o' Culture but the campaign continues. Oor Facebuk drive his bin sae successful thit we hiv run oot o' afficers positions fur til giv oot, sae frae here oan new memmers will hiv tae make dae wi' memmership as opposed til afficership. Unless ah sack some folk, which ah micht.
Made up Celebrities.
The yinst yin til be sacked will maist likely be Nicholas Cage. Ah hiv tae admit thit thar wis nae finer mawn fur the part o' an innocent ex-con in thy'on film aboot an innocent ex-con oan a plane, but ah cannae believe thit he is truely takin' oor campaign seriously. Free the great Panda is the kindae thing themuns git intae, ah reckon he's taken the hawn. Oan the aither hawn, Paddy Kielty's his signed up an' ah'm sure he'll admit his career his bin oan the slide since thy'on nuddy thing he did oan the island, sae any auld publicity he kin git is prabably beneficial. Thanks fur yer endorsement Paddy......
Attractions o' Ballyhalbert.
Ah furgat tae put up the picture o' the "Nat Leanin Tower o' Ballyhalbert" sae ah hiv noo.
Newsflash - Belfast hiv chickened oot. £1million my arse, ah've spent £3.50 sae far.
http://news.bbc.co.uk/1/hi/northern_ireland/8308504.stm
Decline o' Western Civilization
Ah watched the news taenicht. In it, the wife o' the First Minister accused the Health Secretary o' the First Minister's executive o' lyin'. He in turn suggested thit the First Minister shud git his finger oot an' sort things oot wi' the Prime Minister.* The Deputy First Minister's party hiv claimed £2 million frae us fur til pay til thar affices, but maist o' it went til the his Party accounts. This is all normal, says the Deputy First Minister's party colleague, the Minister for Regional Development. Regions, nae doubt, includin' the yin immedietly aroun' his affice. In his party's defence he said thit, unlike his First Minister's party, they wernae tae intae imployin' family memmers an thit ivryyin wus imployed oan merit. Fair enough, but ah wud wunner how well the McBride Principles wurk in thy'on neck o' the woods. Elsewhere somebody stuck a big bumb ootside Clady in the name o' the Irish Republic, thus blackin' a prime smugglin route.
Ah'm gittin' sick o' this brock. Frae the noo, this blog will support an all Ireland 34 County, Unionist Socialist Republic o' Ireland run by me. Or Jim Allister. Which wud be wurse?
*Nae link til thit, bizarrely.
7 comments:
Ai thems a pack o'hoors
"Unless ah sack some folk, which ah micht."
I'm liaising, I'm liaising! It's just that no one wanted to liaise back, because I had Martian Death Plague.
And the rumor here in Southern California is that Nic Cage is taking the Ballyhalbert campaign far more seriously than his acting career. Of course, if you've seen his last few films, you probably already knew that.
I fully endorse ye for running the new country, ye'd do a far better job than them bunch of dunderheads up on the mount. All they seem tae do is yap 'he said she said they started it' caic like a bairn in th'playground chucking toys and whinin' fer their mammys....
Can I fer be Minister fer Sports, Social an' Recreation? Ah dinnae want the Environment post, we'll leave that ter the Big Yin in the corner here.
We cud hiv a braw new campaign oan here. Me fur Yinst Minister.
34 county?
Aye, 34 County. Ah an fur includin Rathlin an' the Copeland Islands.
In ma soon til be published book "Ma Camp" ah will revail plans fur til take o'er the Isle o' Men.
Billy McWilliam fur to be PM! And fur tae win the nabil piece prize fur havin' the best sandwiches in the 34 counties.
Bernard
Post a Comment